Un febreru mui secu: llovió un 52 por cientu menos de lo normal

L'AEMET confirma que ye'l decimocuartu rexistru más baxu pa esti mes dende'l 1961.

Esti febreru foi mui secu, un 52 por cientu menos de lo normal tomando como referencia'l periodu 1991-2020. La metá sur del país foi la zona onde hebo un mayor descensu de lluvia.

Según los datos espuestos, el promediu n'Asturies quedó en 57 llitros por metru cuadráu. Mentes, si miramos los rexistros dende'l 1961, nestos 62 años namái hebo 13 febreros con menos agua cayida.

Otra manera, l'Axencia Estatal de Meteoroloxía (AEMET) apuntó que térmicamente foi un mes normal, con una temperatura media de 6,5 graos, lo que supón 0,4 graos menos que'l promediu nel periodiu 1991-2020. No que respeuta a les hores de sol, hebo un 26 por cientu más de lo normal.

Na imaxe, mapa de l'AEMET col porcentaxe de lluvia recoyíu n'Asturies con respeuto a la media de febreru pal periodu 1991-2020. La parte en naranxa más escuru ye onde menos agua cayó en comparanza colos rexistros.