Un españíu estroza un pisu de Xixón

Un potente españíu rexistráu ayeri nel númberu 17 de la cai Ríu Nalón de Xixón causó graves mancadures y quemadures a una muyer, afectando a los edificios qu'atiestaben col afectáu y a los coches aparcaos nuna redolada de cincuenta metros. L'Ayuntamientu de Xixón apuntó dende'l primer momentu a un escape de gas como posible causa del accidente. Los vecinos del inmueble tuvieron de ser evacuaos y la casa precisó de puntales a la espera de que los bomberos faigan los llabores de desescombriu. HC negó a última hora d'ayeri que la causa del españíu fuere un escape de gas.