Un españíu nun fornu d’un planta de residuos nucleares provoca una muerte nel Estáu francés

L’españíu d’un fornu de fusión d’una planta de residuos nucleares en CENTRACO, industria asitiada cerca de Nimes (Occitània), provocó la muerte d’una persona. Les autoridaes franceses confirmaron que nun hai peligru de radioactividá.
 
Les primeres informaciones apuntaben a les instalaciones nucleares de Marcoule, nel sudeste del Estáu francés, como’l llugar onde tuvo llugar l’españíu, anque finalmente conocióse que l’accidente tuvo llugar nuna planta de residuos cercana de nome CENTRACO. Pese a que nun primer momento encendiéronse les alarmes pola posibilidá de fugues radiactives, pronto confirmóse que nun había peligru nengún yá que lo qu’esplotó foi un fornu de fusión de residuos radiactivos de baxa y mediana intensidá. La mala noticia foi la muerte d’una persona que trabayaba nel llugar. Otros cuatro operarios resultaron feríos, ún d’ellos de gravedá.
 
La planta de Marcoule, onde nun primer momentu se pensó que yera l’accidente, tuvo hasta tres reactores funcionando –l’últimu d’ellos zarróse hai dos años–. Anguaño ye un centru especializáu en desmantelamientu y residuos nucleares.


Na semeya, planta de Marcoule, cercana al llugar del accidente.