Un coche fantásticu por 33.000 euros

Una de les series de tv de los años 80 que peor avieyaron, "El Coche Fantásticu" tien entovía un bon carráu de seguidores "freaks" dimpuestos a mercar cualquier oxetu nel qu'alite l'alcordanza de les aventures del actor David Hasselhoff con aquel coche capaz de falar, pegar blincos y aguantar l'españíu de les bombes. Dende concentraciones d'antiguos seguidores a websites dedicaos al "Knight Rider" la serie vive, y preba d'ello ye que la casa de subastes n'internet E-Bay saca güei a la puya ún de los pocos coches supervivientes de los rodaxes de la serie, que tuvo n'antena ente 1982 y1985.

A tanto llega la ferviella pola serie que' modelu en cuestión, un Pontiac Trans-Am de 1983, tien un preciu de salida de 40.000 dólares (sobre 33280 euros, ello ye, cinco millones y mediu de pesetes). Ello con tener 21 años, tar pasadín de kilómetros y tener adaptaciones especiales pa la serie que faen d'elli un coche poco amañosu pa usalutolos díes. La más molesta, tener un depósitu de gasolina de namás 12 llitros, esixencia de los especialistes pa menguar el riesgu d'incendiu en secuencies peligroses