Un 77% piensa que nun va meyorar l’asturianu na educación

Un 77% de los llectores d’Asturies.com piensa que nun va meyorar la situación del asturianu na educación. Sicasí, un 49% fáilo pensando que nun va salir palantre’l recursu anunciáu pola conseyería contra la sentencia del TSXA.

D’otra miente, un 28% piensa que, amás de nun haber meyores del asturianu na educación, el recursu de la conseyería d’Educación va triunfar.

El 24% restante piensa que la situación va ameyorar; un 21% opinando que tres d’esta sentencia va haber pasos palantre y un 3% opinando que, amás, la sentencia va aplicase inmediatamente.

Yá se pue votar nel nuevu Conceyu Abiertu rellacionáu cola posibilidá de que’l ex diputáu y ex militante d’Izquierda Xunida, Francisco Javier García Valledor, encabezara una candidatura d’izquierda asturianista plural.