Un 74% de los llectores apoya a Valledor de candidatu asturianista

El Conceyu Abiertu convocáu al rodiu de que Francisco Javier García Valledor encabezara un nuevu proyectu asturianista plural aprueba al exdiputáu con un 74% de los votos.

“Bien. Tien tirón y compromisu col país”, con un 63% de los votos y “Bien. Anque prefiero otros nomes tamién válidos”, col 11%; sumen el 74% de los votos del Conceyu Abiertu que ven con buenos güeyos que Valledor sea’l candidatu de la izquierda asturianista pa les elecciones.

Per otru llau, un 14% de los llectores piensa que’l exmilitante d’Izquierda Xunida diba “intentar crear un apéndiz” de la so anterior organización y un 13% opina que ye imprescindible que Valledor sea nacionalista pa encabezar esti hipotéticu proyectu.