Turismu y música nel buscador asturianu

El buscador de webs asturianes Úlos? ta faciendo estes selmanes trabayos de llimpieza de base de datos col envís d'eliminar direcciones vieyes, reactualizar webs que camudaron de url y meyotar delles descripciones. Ello nun quita pa que nun sigan llegándonos páxines nueves qu'enxertamos toles selmanes na base de datos del primer índiz de busca d'Asturies.

Ente lo nuevo d'esta selmana lo que más hai son webs de música. Ente elles, les del grupu folclóricu Trebeyu, el grupu Xuno o la de la Banda de Gaites Nalgañu de Siero. En turismu, les novedaes son el núcleu de turismu rural de La Focella en Teverga y la casa rural Amador, too ello ensin salir de la parte del valle del Trubia. Por supuesto, tamién entren webs d'empreses y profesionales, ente les que nun podemos dexar de citar delles como la del arquitectu Felipe Uría o l'Axencia Gestincasa


Pa dar d'alta un web nel Úlos? namás hai que rellenar esti formulariu. Nun s'enxertarán al buscador webs que nun tengan una rellación clara con Asturies.