Tuenda toca esti xueves en Trisquel de Xixón

El grupu Tuenda, que ta revolucionando la escena folk col so primer discu, actúa mañana xueves nel chigre "El Trisquel" de Xixón. L'actuación, que va entamar a les 21:30 hores, va valer pa presentar énte'l públicu de Xixón la música d'esti tríu que renueva la tradición asturiana al recuperar temes inéditos de la tradición oral estrayíos del archivu personal del cantante Xosé F. "Ambás" alma del grupu xunto con Elías Garcia, que toca'l bouzouki y Pepín de Muñalén, que ye l'encargáu de les xiblates.

El fechu de que Tuenda sía un tríu en formatu acústicu resulta bien amañoso pa la so actuación en llugares pequeños, como ye'l casu del conciertu d'esti xueves en Trisquel. El conceptu de Tuenda da llugar amás a actuaciones irrepetibles nes que los músicos puen improvisar llibremente al nun partir d'estructures tan ríxides pa cada cantar como la que se ven obligaes a tener formaciones más grandes.