Tudela Veguín va enanchar la cantera de Perlora

La empresa de cementos Tudela Veguín quier enanchar la cantera d'El Perecil, esplotación que la compañía tien na parroquia de Perlora, bien cerca de la fábrica de cementos d'Aboño. L'Ayuntamientu de Carreño enxertó anuncia nel BOPA de que'l proyectu d'ampliación va ponese a información pública a lo llargo d'un mes, tiempu qu'hai pa poner alegaciones al mesmu. L'ampliación de la cantera esixió un cambéu na calificación urbanística del llugar, pasando l'otru añu a "suelu non urbanizable d'interés" lo qu'enantes yera "suelu non urbanizable d'especial protección".

La cantera de Tudela Veguín ocupa una superficie mui grande na parroquia de Perlora. Hasta va poco, la esplotación quedaba tapada a la vista de los viaxeros, pero dende que s'estrenó la ronda de Candás el valle qu'ocupa vese en tola so estesión. La la empresa va tener que remocicar la parte de la cantera en que dexe de trabayar, y nesti sentíu el conseyeru d'industria yá faló l'añu pasáu de mangar ellí un campu de golf.