Trunfu de la mano dura en Colombia

Alvaro Uribe, candidatu de l'agrupación "Primero Colombia" ye'l gran ganador de les presidenciales en Colombia. Uribe basó la so campaña nun fuerte discursu d'enfrentamientu cola guerrilla y contra los fracasaos diálogos ente'l presidente Pastrana y los representantes de les guerrilles FARC y ELN. El so enfotu antiguerrilleru, y el que se venceye la so figura a los intereses de los grupos paramilitares obligó a que tuviere que dar tolos sos mítines per vídeu, porque nun pararon de llega-y amenaces de muerte en tola campaña. No económico, Uribe, como representante de la derecha más neolliberal d'un país con tases de probitú escandaloses, promete aplicar con dureza tolo que-y dicten dende instituciones como'l FMI. Los diarios más importantes de Colombia, como El Espectador o La República saluden esta mañana un trunfu que yá taba anunciáu, pero nun dexamos derecomendar esti artículu de Carlos Ricardo Escobar en La Insignia