Trunfu asturianu na Vuelta a España
19 Setiembre, 2004 por Redacción
- Inicie sesión o rexístrese pa espublizar comentarios
El ciclista asturianu Santi Pérez, del equipu Phonak, dioayeri un gran pasu alantre na so carrera profesional al ganar la decimocuarta etapa de la Vuelta Ciclista a España, de167 kilómetros ente Málaga y Granada.
El trunfu de Santi Pérez, que ye sestu na xeneral de la ronda española a 3,36 de Roberto Heras, vien a poner el ramu a una gran actuación del ciclista de Grau, que ya l'otru día en foi de los pocos escoyíos en garrar la rueda de Roberto Heras na etapa de Calar Alto. Ayeri, Pérez saltó a trés kilómetros del cume nel Altu de Monachil. Nesi espaciu, el ciclista asturianu abrió un furacu de 35 segundos col grupu de favoritos, entamando darréu ventidos kilómetros de baxada a tumba abierta hasta entrar solu na ciudá de l'Alhambra con 46 segundos de ventaya sobre'l garapiellu de favoritos y más de dos minutos sobre'l pelotón grande.
El segundu trunfu profesional de Santi Pérez, que nel 2001 ganare una etapa de la Vuelta a Portugal foi con dedicatoria pa l'alcordanza de Vanessa, la moza que-y morriere n'accidente de tráficu y p'Álvaro Pino, el director del equipu Phonak que s'enfotó en sacar alantre al ciclista asturianu
Efrén d'Andrés
