Trevín vueltu a escoyer nel Conseyu de Comunidaes Asturianes

El Conseyu de Comunidaes Asturianes volvió a escoyer a Antonio Trevín, como presidente pa otru mandatu. Ensin votos en contra, el CCA renovó a los sos dos vicepresidentes Manuel Fernández de la Cera y José Luis Casas Villanueva y escoyó tamién otros dos nuevos nes persones del alcalde de Balmonte Roberto Pérez y Alejandro Suárez.

El plenariu en que volvió a salir escoyíu Trevín tamién valió pa conocer el presupuestu pal 2.004 d'esti organismu dependiente del Principáu, que va ser de 2,5 millones d'euros, rexistrando la dotación del CCA una xuba espectacular dende los 780.000 euros que movía nel añu 2000. Con too y con ello, la parte más grande d'esti presupuestu, 2 millones, va xestionala directamente l'Axencia Asturiana de la Emigración, que dirixe Luis Miguel Fernández Romero. Según dixo Trevín, l'ayuda que manda Asturies a la so comunidá emigrada va centrase esti añu n'asistencia a los colectivos d'Uruguay y Arxentina, que son los que tienen situaciones más graves