Trés protestes reciben a Areces en Xixón

El Presidente asturianu inauguraba ayeri pela tarde les xornaes "Prestige a fondo" qu'entamaba l'Asociación Española de Marina Civil. A la entrada esperaben pol coche oficial del Presidente hasta trés reivindicaciones distintes, qu'intentaron torgar la entrada a Álvarez Areces, quien a la fin pudo acceder al edificiu guardáu por un báramu d'axentes de policía. Ello ye qu'a la puerte del Antiguu Institutu axuntáronse, per una parte, los estibadores de Gestiba afectaos espulsaos de la terminal de graneles Ebhisa n'El Musel, per otra, les trabayadores de la bolsa de emplegu temporal del Imserso tresferida a la Conseyería d'Asuntos Sociales, que lleven 30 díes d'encierru na ilesia de San Xosé, y tamién la pita de la Xunta Pola Defensa de la Llingua Asturiana, que tuvo acompañada d'un grupu de militantes de la organización.