Trés millones y mediu d'euros pa la meyora del ganáu asturiano

El Conseyu de Gobiernu d'esta mañana aprebó un gastu de 3.516.730 euros (cerca de 600 millones de pesetes) na firma de cuatro Convenios de collaboración ente'l Principáu d'Asturies y delles asociaciones de cría de ganao vacunu y caballar del país. Asina, l'Asociación de Criadores d'Asturiana de los Valles va recibir nun programa plurianual 1.485.000 € pal desarrollu d'un programa de meyora xenética de la raza, mientres que los criadores d'Asturiana de la Montaña van tener una partida de 387.000 € pa un plan de conservación y meyora de la otra raza asturiana de vaca. D'otra manera la Cooperativa Asturiana de Control Lechero (ASCOL) va tener 1.322.730 € pa la meyora xenética de la cabaña ganadera de raza frisona y el control del rindimientu en lleche del ganao.

Finalmente, el Conseyu de Gobiernu aprebó un gastu de 322.00 euros pa l'Asociación de Criadores d'Asturcón (ACPRA) col envís de caltener la especie.