Trenta empreses asturianes van participar nun proyeutu pa reducir emisiones de dióxidu de carbonu

|

Asturies va formar parte del proyeutu LoCaRe pa la reducción de les emisiones de dióxidu de carbonu. Un total de 30 empreses del país van xunise a otres de Suecia, Dinamarca y Italia na introducción de midíes d’aforru y eficiencia enerxética.
 
El direutor de la Cámara de Comerciu d’Uviéu, Pedro Rodríguez; la direutora de la Oficina para la Sostenibilidá y el Cambiu Climáticu, Nieves Roqueñí; y María Jesús Rodríguez, representante de la Fundación Asturiana de la Enerxía (FAEN), encargáronse güei d’esplicar el proyeutu en compañía de los sos socios europeos procedentes d’ Odensa (Dinamarca), Ulricehamn (Suecia) y Bolonia (Italia). Rodríguez señaló que’esta iniciativa englobada nel proyeutu LoCaRe busca desarrollar soluciones conxuntes innovadores pa contribuyir a la reducción de les emisiones de CO2 a nivel llocal. Según los sos cálculos, les empreses asturianes participantes podríen dexar d’emitir 300.000 tonelaes de dióxidu de carbonu y beneficiase d’un aforru económicu del 18 por cientu.
 
Ente les midíes a desarrollar contemplaes nesta iniciativa recóyense la realización d’auditoríes y planes d’aforru y eficiencia en cien pymes, trenta d’elles asturianes; la formación a los responsables de las compañíes auditaes con actividaes formatives de 20 hores y la firma d’alcuerdos voluntarios col 50 por cientu de les empresas participantes, 15 n’Asturies.

Contador Estadistiques