Trabanco, meyor palu del añu nel Festival de la Sidra

El llagareru de Xixón Samuel Trabanco recibió l'eloxu d'Oru nel XIV Festival de la Sidra de Xixón, quese celebró esti fin de selmana y nel que participaron 32 llagares del país, d'ente los que los espertos esbillaron lo del llagar de Llavandera como lo de meyor calidá del añu. Ye la tercer vegada que Trabanco, casa fundada nel añu 1925, gana nesti certame, que l'añu pasáu fuere pal Llagar Cortina.

Otru llagareru, José Villanueva, recibió ayeri l'otru gran premiu del festival, el del "Tonel d'oru" que reconoz el llabor d'una trayectoria profesional, un premiu que-y llegó a esti llagareru de Cualloto a los 88 años d'edá. Xunta los premios a los profesionales del sector, la noticia tuvo esti fin de selmana na celebración d'un festival qu'enllenó la plaza Mayor de Xixón a lo llargo de tol fin de selmana y nel que se repartieron un total de más de 35.000 llitros de sidra solo nel día d'ayeri domingu, en que se fexo la preba de baldre de tolos llagares.