TPA va emitir en direuto'l derbi femenín

Uviéu y Sporting, líderes en Segunda, van enfrentase'l domingu n'El Requexón.

La TPA va emitir en direuto a partir de les 11.30 hores el derbi femenín, duelu na cume nel grupu 1 de la categoría. Azules y roxiblanques sumen los dos partíos de la competición por victories, lo que lleva a los dos conxuntos asturianos a encabezar la tabla en compañía del Racing, mentes que'l Gijón namái pudo sumar un empate.

El fútbol femenín ta en clave ascendente, con mayor repercusión en medios de comunicación y aumentu tanto d'aficionaos como de deportistes. L'Uviéu-Sporting ye anguaño'l meyor partíu que se pue ver n'Asturies, yá que los dos equipos tán fechos pa lluchar pol ascensu a Primera o, en su defeuto, ganar plaza na futura Primera Divisón B, categoría intermedia que va echar a andar la temporada próxima.