TPA estrena esti sábadu "Los Bolechas"

|

Seis  hermanos  y  el  so  perru  protagonicen  l'espaciu  infantil  nuevu  de  la  televisión autonómica asturiana que va emitise los sábados y domingos a les 9 de la mañana

La  Televisión  del  Principáu  d'Asturies  (TPA)  estrena  esta  fin  de  selmana  Los Bolechas,  una  serie  de  animación  en  llingua  asturiana.  Dende'l  sábadu  13  de setiembre  empecipia  la  emisión  d'esta  serie  familiar  nueva  empobinada  sobre manera al públicu infantil, que llega a la nuestra comunidá col aval del gran exitu
en  Galicia,  onde  va  yá  pola  cuarta  temporada.  Los  Bolechas  va  emitise  tolos sábados y domingos, dende les 9:00 de la mañana.

Vacaloria Producciones dobló los 24 capítulos  d'esta  primer  entrega  de  la  serie,  protagonizada  polos  muppets  d'unos personaxes creaos pol dibuxante gallegu Pepe Carreiro nel añu 2000.

En Los Bolechas nárrense hestories de la vida cotidiano d'una manera risondera, col oxetivu  de  que-yos  preste  a  los  más  pequeños  y  que,  al  empar,  interioricen conceptos y valores universales de forma curiosa y natural.
Según la TPA, "la emisión de Los Bolechas supón apostar por una programación infantil calidable  en  llingua  asturiana". 

L'harmonía  ente  la  faceta  didáctica  y  la  llúdica  va convertir bien llueu a Xabel, a les ximielgues Cloya y Olaya, a Xuacu, a Lena y a Tatá en personaxes queríos polos neños y neñes asturianos. Los seis hermanos, xunta a la so inseparable mascota Trasgu, un husky siberianu, protagonicen toles hestories,  nes  que  también  apaecen  personaxes  secundarios,  como  los  padres, Pá  Bolechín  y  Ma  Bolechina,  los  güelos,  amigos,  vecinos,  etc.  Ente  los  24 capítulos  que  va  emitir  la  TPA  tán  los  titulaos  'El  trinéu',  'La  clase  d'inglés', 'L'ascensor',  'La  moñeca  lloramicadora',  'Tatá  nun  tien  sueñu'  o  'Combate  de sumu'.

Contador Estadistiques