Tornen los grupos de conversación n'asturianu

|
Tornen los grupos de conversación n'asturianu

'¡Vamos falar!' tien como sede'l Conseyu de Mocedá de Xixón y pasa a celebrase los llunes, cola novedá de contar con horariu matutín amás del habitual vespertín.

Un añu más, por estes feches, Iniciativa pol Asturianu entama un grupu de fala informal de baldre y abiertu a toles persones que quieran participar. Ésti ta empobináu a aquellos que quieran perder el mieu a falar en públicu y prauticar el so asturianu nun ambiente informal nel que nun importa’l nivel d’usu o conocencia.

Hai que destacar qu'esti grupu, abiertu a toles edaes, nun ye una clase d’idioma, sinón un espaciu nel qu’aconceyar tranquilamente y falar la llingua propia, esto ye, l’asturianu. El día de reunión va ser los llunes, en dos tramos horarios: de 12 a 13 y de 19 a 20 hores. 

Contador Estadistiques