"Tolos modelos llingüísticos son cuestionaos porque nun hai nengún y caún creye que'l d'él ye'l meyor"

El programa "Asina Foi... el surdimientu" que dirixe y presenta Inaciu Galán na emisora Onda Peñes en collaboración con Asturies.com entrevista nesta nueva entrega al veteranu periodista Próspero Morán. Académicu de la Llingua, editor d'un periódicu dixital y profesor d'universidá, esti llangreanu tien vivíes munches esperiencies de les que dexa testimoniu nesta entrevista que se centra nel presente y futuru del asturianu nel panorama comunicativu.