‘Tiempu de sidra y roses’, cenciellu próximu de La Tarrancha

|
La Tarrancha

Depués de grabar dos cantares pa recopilatorios dende la espublización del so discu últimu ‘Baillando con llokes’ (avientu del 2018), ‘Vaya sociedá!’ ('El mio cantar') y ‘Llara echó moza’ ('Engarradiella'), La Tarrancha torna a entrar n’estudiu. Va asoleyar en primavera un cenciellu, acompañáu de videclip, que lleva por títulu ‘Tiempu de sidra y roses’.

Esti cantar sigue cola llinia de fusión del so autodenomináu ‘mecigayuska’, nesti casu entemeciendo soníos punk con aires folk “d'equí y d’allá, o de nenyures”. Pa ello va contar cola collaboración de Nico Braña, miembru de Voodoo Grass, cola mandolina.

La grabación va desendolcase en Tutu Estudios, cola previsión d’asoleyala en primavera en plataformes dixitales al empar del so videoclip. La Tarrancha tien abierta la contratación pa esti 2022, con feches zarraes pa esta primavera y branu dientro y fuera d’Asturies que la banda va anunciar próximamente.

Contador Estadistiques