The Toy Dolls, nuevu grupu confirmáu pal Derrame Rcok

La mítica banda de punk británico va tocar nel festival Derrame Rock que va celebrase n'Agones (Pravia) los díes del 1 al 3 de xunetu.

L'actuación de "The Toy Dolls" ta prevista pal día 2 de xunetu, y el conciertu forma parte de la xira na que tán celebrando los sos 25 años d'esistencia. "The Toy Dolls" nacieren nel 1979 como ún de los exemplos de la fola del tardopunk británico, teniéndose nella hasta que nel 1984 consiguieron el so gran ésitu comercial col tema 'Nellie The Elephant', col que vendieron mediu millón de copies. La banda disolvióse nel añu 2.000, pero en 2003, Olga, guitarrista del grupu y únicu miembru orixinal que queda na banda, decidió remocicar el grupu, reconvertíu agora nun tríu. El futuru del grupu ye inciertu, y bona preba d'ello ye qu'el so últimu discu se titule precisamente "'Our Last Album?", asina que queda abierta la entruga a qu'el conciertu nel Derrame Rock pueda ser de los últimos d'esta banda.