Testimoniu la Viztima asoleya una maqueta nueva

L'Hip Hop n'Asturies y n'asturianu sigue amosando que ta mui vivu, la última preba d'ello ye que'l grupu de la Pola Llaviana Testimoniu la Viztima saquen una maqueta nueva, "Arboles con Sida".

Esti grupu llavianetu ta trabayando yá nel que tien que ser el so primer discu de llarga duración, depués de sacar delles maquetes, la última esti Arboles con sida. Les sos lletres son dalgunes en castellanu amestáu con daqué d'asturianu o solo n'asturianu.El grupu fala nes sos lletres de temes abondo estremaos como ellos reconocen "la temática ye mui variada: xusticia, los matrimonios gays,el papa nuevu, la hipocresía, la violencia, les drogues, la música pachanguera, el racismu..., too con una clave d'humor y ironía que nos caracteriza". Pa saber más d'esti grupu convidamos a los llectores a visitar la so páxina web que tán acabantes d'estrenar. Amás, y pa sentir de lo nuevo de Testimoniu la Viztima se puede la web del grupu Ka-Nalón o conectar cola emisión de la canal de radio d'Asturies.com dedicada al Hip Hop.