Terminator 3 llega a Asturies

Anque les estrenes de cine suelen ser noticia los vienres, la cartelera lleva un ximielgón esti miércoles por culpa de la estrena en tolos cines del país de la tercer entrega de Terminator, la serie de películes de ciencia ficción que ficieron del actor Arnold Schwarzenagger un personaxe célebre pol so papel del robot unviáu dende'l futuru. Diez años depués de Terminator 2 y con bien d'operaciones de ciruxía estético en cuerpu, Schwarzwzenagger quier repetir trunfu, pero esta vegada nun cuenta col bon llabor de James Cameron pa llevar el filme, que, de cualquier manera, ta trunfando nos EEXX y Xapón, países onde yá s'estrenó. Como toles películes que trunfen en taquilla, Terminator 3 nun ta llibre del lladroniciu y la piratería, y ello ye qu'esta selmana diéron-y en México al mesmu Schwarzenagger un DVD pirata cola película entera.

Pa conocer los horarios d'esta y toles demás pelicules en cine, pues consultar la cartelera d'Asturiactiva