Telefónica gana más col ADSL que colos móviles

L'Asociación d'Internautes denunció ayeri'l réditu escesivu qu'obtien la operadora Telefónica poles llinies d'ADSL. Según l'asociación, Telefónica tien un beneficiu mayor que'l del negociu más importante hasta agora de la compañía, que yera'l de la telefonía móvil. El negociu del ADSL ye tan importante pa la operadora que nos primeros 9 meses del añu yá lleva recaudaos 516 millones d'euros, con un marxe brutu del 54,6%.

La denuncia de l'Asociación d'Internautes vien de datos apurríos pola mesma compañía. Según esplicaron representantes de Telefónica al diariu Cinco Días, del total de recaudación, 230,8 millones marchen en costes, casu del centru d'atención telefónica, el pagu de les conexones a la rede, infraestructures, y, sobremanera, les campañes publicitaries. Tolo demás, que son 277,1 millones (el 54,6%) ye beneficiu, colo que l'ADSL algama una tasa de beneficiu mayor que la de la telefonía móvil, que ye del 54,3%, mientres que'l marxe xeneral de beneficiu de toles empreses del grupu ye del 44%.

Ello cuando l'ADSL de Telefónica ye ún de los accesos de banda ancho más caros d'Europa

Aparte d'esto, el negociu pa Telefónica ye redondu, en cuantes que toles demás compañíes que dan accesu a internet tienen qu'alquila-y la rede a Telefónica. Asina, de los 516 millones de recaudación, 394 millones son de les propies llinies de la casa, mientres que'l restu vien de les tases que-y tienen que pagar a la compañía los demás furnidores d'ADSL (Wanadoo, Ya.com etc). L'asociación d'Internautes

denunció tamién que cuando s'apautaron les condiciones del mercáu de la banda ancho, alcordose que cuandoTelefónica, como titular de la rede, vendiere una lliniaa otru operador, tendría de facelo a preciu de coste, y non con marxe de beneficiu. En total, sumando ADSL y llinies convencionales, Telefónica ingresó entre xineru y setiembre 728,4 millones d'euros.