Telecable acelera la velocidá de la conexón a Internet ensin xuba de tarifa

La operadora asturiana de telecomunicaciones Telecable va xubir, a lo llargo del mes d'agostu, la velocidá de toles sos conexones a la rede internet

La meyora más importante va facese nel serviciu que tien agora una velocidá nominal máxima de 320/160 Kbps (kilobits per segundu). L'anchu de banda d'esta llinia va duplicase y asina va quedar en 640/320 Kbps. La otra conexón avanzada de Telecable, que, tres de la última xuba de velocidá quedó en 640 kbps, va garrar agora una máxima de 1mbps, anque la noticia pa los más de los veceros de Telecable ta en que, per primer vegada, la conexón estandar de 128 mbps va beneficiase d'un acelerón, pasando a una másima de 160 kbps

Esti aumentu de la capacidá d'accesu a internet va facese trés meses dempués de que la operadora asturiana incrementare nun 25% la velocidá de los accesos Avanzáu y Superior, ello ensin xuba de la cuota. Los abonaos nun tienen que facer trámite nengún, y l'aumentu de velocidá va facese remotamente pola mesma compañía