Telecable acelera

La operadora asturiana de telecomunicaciones Telecable dio anuncia ayeri d'una xuba de velocidá de conexón del 25% nos sos servicios d'accesu a internet. Esta meyora, que ye de baldre, namás beneficia a los clientes que tengan contrataes llinies 'Internet superior' o 'Internet avanzado' y ye efectiva dende'l día ún d'abril.

Técnicamente, la velocidá de la conexón pasa de 256 Kbps (kilobits por segundu) en xuba y 128 Kbps en baxada a 320/160 Kbps pa los clientes de conexón "avanzada" y de 512/256 Kbps a 640/320 pa quien tenga la conexón "superior". Con too y con ello, esta meyora de velocidá nun van notala los más de los clientes de Telecable, que disponen de la conexón estandar o "bit" na denominación comercial de la casa. Estos siguen con 128 kbps en xuba y 64 en baxada.

Xunta la meyora en velocidá, dende'l día 1 d'abril los clientes d'estes llinies tamién disponen d'un espaciu d'almacenamientu de corréu dinco vegaes superior, pasando de cuatro cuentes de 5 mb d'almacenamientu cauna a cuatro cuentes de 25mb cauna.