Tele 5 estrena esta nueche “Vientos de agua”

Asturies, 1934. José Olaya, interpretáu pol actor Ernesto Alterio ye un mozu mineru que se ve obligáu a emigrar a l'Arxentina cola identidá falsa del so hermanu. Sesenta y siete años dempués, nel 2001, José Olaya plantégase volver a Asturies tres de los sos oríxenes familiares. El so fíu Ernesto, arquitectu de carrera pero que se ve afogáu poles deldes y la falta de trabayu causaes pola crisis económica n'Arxentina va ser el qu'aproveche'l viaxe, que-y va suponer una segunda oportunidá na so vida. Esti ye'l puntu de partida de "Vientos de agua" la serie de TV que dirixó José Campanella, que trunfó nos cines cola cinta "El hijo de la novia" y qu'estrena esta nueche la canal Tele 5 a les 10. La serie, que tien 13 capitulos, foi la más cara na historia d'esta canal privada de TV, y tien dellos episodios que se rodaron n'Asturies a lo llargo del pasáu añu 2005. Nel repartu rescampla la presencia d'Hector y Ernesto Alterio, que representen al personaxe protagonista, José olaya, nes distintes edaes de la so vida, mientres qu'Eduardo Blanco fai'l papel del so fíu.
Más información na web de Tele 5