Tejedor, na TV gallega

El grupu asturianu Tejedor tuvo esti fin de selmana en Galicia pa presentar el so discu Llunáticos nos Conciertos de Radio Galega y nel programa LUAR de la Televisión Galega. La xira mediática de los Tejedor en Galicia completóse cola entrevista que-yos ficieron nel magazine cultural A Revista, programa de la Televisión de Galicia. La web de la Radio Galega va enxertar el directu de los asturianos pa poder escuchalu enteru d'equí a la vuelta de pocos díes. Mientres, el web de descargues de la RTVGA tien pa sentir los conciertos de xente como Mercedes Peón, Xavier Paxariño o los asturianos Llan de Cubel, que pasaron pelos "directos da galega" en febreru del añu pasáu.