Tarañu toca güei en Xixón

Güei de nueche, a partir de les 21:00 hores axúntense música y humor nel I Certame de Monólogu Modernu Asturianu. Como yá diéremos anuncia les últimes selmanes, esti certame ye un apueste por modernizar un xéneru tradicional y tan asturianu como ye'l de los monólogos. Nesti sentíu dellos actores van interpretar guiones siguiendo esta filosofía de modernización del xeneru. Acompañando al humor tamién va haber un visión moderna de la música asturiana de la mano de "Tarañu". El grupu ayerán va facer los temes del so primer discu "Al xeitu de nenyuri", que recoyó bones crítiques y el preste del públicu. Les entraes son a 6 euros per adelantáu y 8 na ventanu.

L'actuación de Tarañu enxértase nel I Certame de Monólogu Modernu Asturianu, un esprctáculu que trata de remocicar el xéneru del monólogu, llendáu hasta ahora "a una temática rural y una estética "de boina y cayáu que nun resulten mui atrayentes pa la mocedá d'anguaño" según esplicó Inaciu Galán, ún de los organizadores del certame

El trunfu nes cadenes de TV y nos mesmos escenarios teatrales de los "nuevos monologuistes" en castellanu, casu del conocíu espaciu de TV "El Club de la Comedia" llevó a Inaciu Galán a plantegase xunto con Benxa Pérez la conveniencia d'entamar una actividá que contribuyere a remocicar el repertoriu y la puesta n'escena del xéneru. El resultáu final d'esti enfotu va vese güei na Sala Albeniz de Xixón a les nueve de la nueche, onde Lluis Antón González (con testu de Chechu García), Luis Cellero, Benxa Pérez y Toño Caamaño van xubir al escenariu pa demostrar les posibilidaes d'actualización del repertoriu del xéneru y tamién pa entretener y provocar la risa del públicu, rematando la nueche con una actuación del grupu de folk "Tarañu".