Tarañu presentó'l so xeitu

Anque'l discu yá ta na cai dende va bien de tiempu, na mañana d'ayeri sábadu presentóse oficialmente'l primer discu del grupu ayerán "Tarañu".

Fízose esperar la presentación d'esti "A xeitu de nenyuri", primer discu de "Tarañu" y qu'espublízase casa de discos "L'Aguañaz". Na presentación tuvieron presentes Xune Elipe como representante de la discográfica, y los miembros del grupu Dani Álvarez flauteru, Gema Palacio vigulinera, Elena Diaz bodrahm del grupu y el bouzoukista Jose Luis Diaz. Xune rescampló qu'esti yá yera'l discu númberu 39 que sacaba esta discográfica, y que taben realmente contentos col trabayu tantu del grupu como del productor Sergio Rodríguez. No que cinca al conteníu del cd Elipe dixo que la banda práctica un folk acústicu qu'usa la música asturiana como fonte d'inspiración pa a partir d'ehí ellaborar un discursu propiu. Anque como reconoció depués el bouzouki del grupu, si se siente en cierta manera herederos de bandes como "Llan de Cubel" o "Felpeyu".

Los componentes del grupu tamién comentaron que taben satisfechos col discu, y que yera'l puntu de llegada depués de dos años y mediu de vida, una maqueta y muncho conciertos. Falando sobre la inclusión de la bombarda bretona como un instrumentu más del grupu, la vigulinera y cantante Gema Palacio precisó que'l soníu bretón que podíen llegar a tener en dalguna pieza nun yera solo pola presencia d'esti instrumentu, si non qu'había cierta intencionalidá a la hora d'iguar pa dar un ciertu gustu bretón.

El grupu pal futuru comentó que quier siguir trabayando intensamente , sobre pa sacar temes nuevos y iguar un repertoriu pal directu estensu y prestosu que nun quede namás nos cantares d'esti "Al xeitu de nenyuri", que d'otra manera ta furrulando bien nes tiendes, en poco más d'un mes yá s'escosó la primer edición del discu y yá va pola segunda.

Pa sentir dalgunos de los cantares d'esti cd convidamos a los nuesos llectores sentir la programación d'Asturies.com Radio onde ye'l discu de la selmana.