Tannahill Weavers, esta nueche en Xixón

Una de les bandes más importantes y influyentes del panorama
folk internacional actua esta nueche en Xixón, como aperitivu los
Tannahill ficieron un conciertu'l martes pasáu nel chigre Ca
beleño xixonés.



El ciclu "Les nueches del Palaciu" qu'entama la entidá
financiera Caxastur suel traer ente
les
sos actuaciones dalguna actuación folk. L'añu pasáu
foi'l guitarrista Tony McManus, y anguaño van ser los escoceses
"Tannahill Weavers"
los que van actuar nel Palaciu Revillaxixéu a eso de les 22:30 hores con
entrada de baldre. Pero enantes del conciertu d'esta nueche, la banda tuvo'l
detalle de facer el martes pasáu un conciertu sorpresa nel chigre Ca
Beleño de Xixón que pue vese na semeya, . Ellí casi ente
amigos, pudimos ver una sesión colos temes más clásicos y
tarareaos de la banda, que sirvió pa comprobar qu'a pesar de lo muncho
años que lleva'l grupu tocando, siguen disfrutando del escenariu, y que
son capaces d'enganchar col públicu, que per otru llau yá taba
entregáu de mano.