Susana Rodríguez Sela ganadora del XI Premiu de poesía “Fernán Coronas”

L'avilesina Susana Rodríguez Sela ye la ganadora del XI Premiu de poesía "Fernán Coronas" que se falló esti sábadu na casa natal del poeta en Cadavéu (L.luarca).

La yá vencedora d'esti prestixosu concursu, nel que tienen ganao escritores como Ignacio llope o Ánxel Álvarez, presentó un poemariu que baxo'l títulu "Cuantayá que Dios Fuxó" presenta unos 30 poemes de temátiques variaes, escritos toos ellos n'asturianu central. Ye la primer vegada qu'esta autora, qu'entovía nun tien obra espublizada, gana un premiu. Susana Rodríguez ye tamién propietaria de la llibrería "La Seronda", tienda avilesina especializada en llibru n'asturianu.