Sube la población perbaxo de la llenda la probeza nel Estáu

|

El 20,8% de la población residente n'España taba perbaxo de la llenda de la probitú relativa nel añu 2010, porcentaxe más d'un puntu superior al del 2009, que foi del 19,5%.

Según la 'Encuesta de Condiciones de Vida 2010' del Institutu Nacional d'Estadística (INE), los datos apunten a que'l 30,4% de les families españoles tien dificultaes o munches dificultaes pa llegar a fin de mes, porcentaxe lixeramente inferior al rexistráu nel 2009 (30,5%).
  
L'organismu estadísticu precisó qu'esti leve descensu nes families con problemes pa llegar a fin de mes "ruempe col enclín creciente" entamáu nel 2007, y apuntó que'l 13,4% de les families llega con "muncha dificultá" a fin de mes, frente al 13,7% del añu anterior.
  
Coles mesmes, la estadística revela que más d'un terciu de les families, en concreto'l 36,7%, nun tenía capacidá d'encarar gastos imprevistos, cifra superior en 2,7 puntos a la del añu pasáu y la más elevada de los últimos seis años.
 
 

Contador Estadistiques