SUATEA va recurrir la multa contra Beatriz Quirós

La organización sindical d'enseñanza SUATEA dio anuncia de que presentó recursu a la sentencia de multa de 600 euros contra la sindicalista y miembru de la Xunta de personal Docente Beatriz Quirós, acusada de desobediencia al retrasase en presentar la documentación identificativo a los axentes de policía que-y la reclamaren nel trescursu de la protesta d'estudiantes y maestros contra la cesión d'espacios na Universidá Llaboral de Xixón a la empresa Thyssen-Krupp que tuvo llugar el pasáu 16 de xineru. La sindicalista de SUATEA negare toles acusaciones que se facíen contra ella y de Jesús La Roza -absueltu nel xuiciu- y denunció que la policía nun-y quixo almitir el carné de conducir como mediu válidu pa identificase cuando ella alvirtiere que nun disponía de DNI porque-y lu robaren en Barcelona. Pa la organización en que milita Beatriz Quirós l'actuación policial y la multa son "un atropellu a les funciones que como delegaos sindicales taben desarrollando'l día 16 de xineru"