Suatea llama a participar n'actos revindicativos el Día d'Asturies

El sindicatu de la enseñanza anima a participar nel día
d´Asturies n'actos que tengan un puntu de vista críticu.



Suatea ta acabante d'asoleyar nún comunicáu de prensa'l so
sentir pa col día d'Asturies d'anguaño. Asina, el sindicatu fai
un balance pernegativu del trabayu del executivu asturianu hasta agora, poro
anima a dir a actos de calter revindicativu. Suatea considera nel so
comunicáu que "llevamos munchos años lluchando pola
dignificación d´Asturies y vemos como gobiernu tres gobiernu
frustren esta aspiración. Asina, y ensin cumplir práuticamente
nada de lo prometío, vemos como'l gobiernu de coalición actual
sigue na mesma llinia que los anteriores.Tenemos de mostrar la nuesa
indignación énte los fechos que tán asocediendo nesta
llexislatura".



Ello ye que'l sindicatu rescampla nel so comunicáu los temes
más conflictivos qu'arrodien sobre too a les cuestiones identitaries,
como la creación del ente de comunicación autonómicu, la
posibilidá del inxerimientu de la oficialidá de la llingua na
próxima reforma del estatutu, o la polémica sobre les actuaciones
del gobiernu gallegu an zona del EO-Navia. Faciendo un repás a estos
temes SUATEA llega a la conclusión clara de que llamamos a participar
nesti día d´Asturies dende un puntu de vista críticu onde
tolos/es asturianos/es tomen conciencia de los que mos xugamos ante la
próxima reforma estatutaria.