Stoned Atmosphere, record de visionáu n’Asturies.com TV

El video del cantar "Patria sin sol" del grupu Stoned Atmosphere rexistró más de 1200 visionaos nos sos dos primeros díes dientro del serviciu de vídeu baxo demanda Asturies.com TV, una marca que supón un record dende que s'entamó cola emisión d'Asturies.com TV.

El grupu asturianu de hip-hop, que denuncia en "Patria sin sol" los efectos de la crisis económica y social d'Asturies contraponiéndolos a les imáxenes estereotipaes del país que se venden al traviés de los medios de comunicación yá tenía nesti cantar ún de los sos temes más conocíos, una popularidá que'l videoclip nun fexo más qu'aumentar, de lo que ye bona preba'l fechu de que nes sos primeres 48 hores dientro del serviciu d'Asturies.com TV perpasare les 1.200 descargues completes.



Gonzaga H.G. Antuña ye'l responsable d'esta creación
videográfica pal grupu d'Arma X y Ceeris, en collaboración con
Producciones Potenkim y la discográfica de
Stoned Three points records. El
video grabóse en delles localizaciones de la cuenca'l Nalón,
buscando que les imáxenes valieren d'encontu a la lletra d'un tema que
radiografía l'Asturies post-industrial. Pa ver el video namás
qu'hai qu'entrar n'Asturies.com TV calcando nesti enllace.