Sporting B y Lealtad disputen la final de la Copa Federación

L'Hermanos Antuña acueye esti choque con motivu del centenariu del Caudal.

El Lealtad, líder actual de la Tercera División, va buscar esta tarde en Mieres la so primer Copa Federación tres dos finales disputaes, la última nel 2003. Precisamente'l so rival esi día foi'l Sporting B (1-0), conxuntu de Segunda División B anguaño en plenu procesu d'acomplamientu tres la renovación que vivió esti branu que suma 4 títulos nesta competición.

Too paez indicar que Samuel va salir col once tipu, con Saha y Fernando como baxes, mentes que José Alberto López va dar minutos a homes menos habituales, como amuesa la convocatoria de dellos xuveniles. El porteru Christian Joel y el delanteru Neftali quedaron fuera pa trabayar col primer equipu de cara a la visita del Córdoba del vienres.

L'horariu de comienzu del choque ta marcáu pa les 18.30 hores. El preciu de la entrada ye de 6 euros, con entrada llibre pa los menores de 15 años.