Sporting 3 - Xerez 0

El meyor Sporting del añu achuquinó al Xerez, rei del empate nesta lliga y equipu imbatíu hasta ayeri. La superioridá de xuegu que lleven amosando los de Marcelino en casique tolos partíos cuayó per una vegada nun resultáu curiosu que pudo ser goleada d'escándalu al tenor de lo que se vio ayeri n'El Molinón. Juan, que mandó'l xuegu del equipu asturianu, marcó'l primer gol al final de la primer parte. Los de casa pudieron marchar guapamente pal vestuariu cola sentencia si Ismael nun llega a fallasr a puerta vacia na xugada que vieno depués. Ya na segunda parte, el mesmu Ismael volvió a fallar el gol de la tranquilidá por querer facer una xugada personal cuando diben 3 futbolistes del Sporting contra ún del Xerez. El Sporting taba arrollando al rival, pero'l tantu de la confianza nun vieno hasta'l minutu 77, cuando Bauzá foi a rematar de cabeza un centru d'Ismael. Yá col partíu p'acabar, Borreguero marcó'l tercer gol asturianu con un disparu dende fuera del ária qu'entró raspiando'l poste.