Sporting 1 - Terrassa 0

El Sporting firmó un
partíu ramplón contra ún de los rivales más foscos
de la segunda división, el Terrassa, que demostró por qué
ocupa anguaño la cabera plaza de la tabla clasificatoria. Xugando a la
defensiva, con tolos futbolistes metíos nel aria, el Terrasa
desanició cualaquier vistosidá nel xuegu, apostando por forzar
l'empate a cero. El Sporting Sicasí, l'árbitrio acabó
descompensando la situación a favor del Sporting al pitar un penalty que naide nun vio. Bilic convirtió la pena másima d'un trallazu fusileru cuando la primer parte taba yá escosando. La segunda entamó con un Sporting una migayina más sueltu, pero la ilusión duró diez minutos, porque depués la medrana prendió nos futbolistes asturianos, que se dexaron acorripiar por un rival inferior. El Terrassa abrió furacos y tuvo l'empate bien cerca a poco del final, pero a la fin los 3 puntos quedaron en Molinón, dexando al Sporting a tiru de tres puntos de la plaza d'ascensu. Sicasí, l'interés informativu de la tarde d'ayeri tuvo na presencia en Molinos de Piterman, el multimillonariu que podría facese cargu del Sporting casu de prosperar los tratos que tien con accionistes del club