Sporting 1 - Salamanca 1

L'arbitrio tuvo bien de responsabilidá en que'l Sporting nun quedare ayeri colos tres puntos énte'l Salamanca, anque l'empate nun-yos val nin a asturianos nin a castellanos. El dudosísimu penalti que-y pitó Paradas Romero a Juanjo Valencia de la qu'acababa la primer parte dexó al Sporting baldáu anímicamente pa llegar al descansu y perdiendo nel marcador, pero los de Maceda arrollaron na segunda parte, empatando enseguida Rubén, y anque merecieron más qu'empatar l'arbitrio estorbó abondo, sacando tarxetes como cuentu risa. Los asturianos acabaron col entrenador viendo'l partíu dende la grada mientres Villa y compañía fallaben bien d'oportunidaes. Paradas Romero tampoco nun vio dos penaltis clarísimos, un pa cada equipu, que teníen de pitase.