Sporting 1 - Murcia 0

Depués de seyes meses ensin ganar un partíu en competición oficial, el Sporting arrancó ayeri el primer trunfu de la temporada n'El Molinón. Contra un Murcia asentáu na parte alta de la tabla, los de Maceda intentaron xugar ordenao, anque'l xuegu durísimu de los murcianos, que s'espurrieron en facer faltes, nun dexó munchu sitiu pa la guapura del fútbol. Cuando paecía que la cosa diba acabar con otru empate a ceros, Villa forzó'l penalty que-yos daría'l trunfu a los de casa. Con too y con ello, la xente quedó pálido col gol nel últimu momentu del Murcia, pero l'árbitrio pitó l'orsay del delanteru visitante, esconxurando dafechu la cigua qu'arastra'l Sporting dende qu'entamó la temporada.