Sporting 1 - Córdoba 1

Sporting y Córdoba firmaron en El Molinón unes tables que nun dexen contentu a naide, sobremanera a los asturianos, que contaben con ganar en casa pa dexar contenta a la parroquia. El Córdoba superó a los asturianos nel primer tiempu, y el Sporting namás disparó a meta nuna falta qu'espetó Bilic na madera. poco depués, Nico Olivera remató un balón que nun vio la defensa del Sporting y fusiló a Roberto, que quedó varáu. Yera'l desastre pal Sporting, pero cinco minutos depués l'andaluz Juanmi enquivocose al pasó-yla de cabeza al porteru, dexando la pelota en manes d'Ismael, que marcó l'empate.

Un piscinazu de Bilic qu'acabó en mariella por facer teatru foi lo último del primer tiempu, mientres qu'el segundu foi un achuquine constante del Sporting pero ensin legar a rematar.