Soto-Penagos nun sedrá d'utilidá pública

El Tribunal Supremu d'España confirmó la sentencia pola que-y retiraba a la llínia d'alta tensión Soto-Penagos calter d'utilidá pública tres estudiar los recursos que presentare Rede Eléctrica. Esta sentencia vieno a contradecir la intención de Rede Eléctrica y del Gobiernu asturianu, que taben enfotaos n'acabala pa esta llexislatura pel procedimientu d'urxencia. La ratificación de la sentencia confirma la paralización de Soto-Penagos, qu'agora tendrá que facese más despacio, daqué que preocupa al Gobiernu y a les grandes empreses eléctriques que lleven tiempu anunciando grandes planes industriales p'Asturies, que doblaría la corriente que produz anguaño. Los grupos nuevos que van facer HC en Soto Ribera y Aboño y el d'Iberdrola en Llangréu necesiten d'esa llínia pa sacar fuera d'Asturies la corriente.