Skama la Rede da un conciertu en Candás

Los lluanquinos "Skama la Red" son una amuesa más de
la riestra de grupos de rock asturianos que de va poco p'acá tan entamando a trabayar. Pa poder velos namás qu'hai averase hasta
Candás mañana vienres.



D'un tiempu p'acá tamos viendo como empiecen a salir adulces
formaciones que quieren asegurar un futuru pal rock n'asturianu, nel que Dixebra foi munchu tiempu la única referencia ensin ser a cuayar una escena propia dempués de la desapaición d'otros grupos como "Avientu".
"Güerku", "Skontra", o "OIN'AST!" son
dellos exemplos qu'albidren munches nueches de conciertos rock
n'Asturies. Dientro d'esta corriente tan "Skama la Rede", que vienen
dende Lluanco con un estilu nel qu'ellos mesmos anuncien que mecen punk, ska, rock y reagge col
son de la gaita asturiana y unes lletres nes que falen los sos
preocupaciones y esmolecimientos políticos. Pa conocer meyor a la banda
paga'l tiru dir esti vienres al Conceyu Cultural La Gueta de Candás a
partir de les 23:15 hores pa velos en directo, o
visitar la so web.