Skama la Rede acompaña a Talco nel so conciertu na uvieína Sala Estilo

La banda italiana de ska-punk presenta n'Asturies el so discu 'Videogame'.

Cita col pogu esti vienres n'Uviéu. Skama la Rede y Talco xunen fuercies pa facer baillar al públicu asturianu na Sala Estilo.

Van ser los de casa los encargaos de calecer l'ambiente a les 20.30 hores, pa dar pasu a les 22 a los italianos, vieyos conocíos n'Asturies poles sos múltiples visites al país. El preciu de la entrada ye de 22 euros, de 25 na puerta.