Siguen baxando los contaxos: 9 esti miércoles

|
Vacuna Comirnaty de Pfizer

La nota negativa ye la muerte d'una muyer de 96 años y d'un home de 53 na xornada.

A falta de la espublización de los datos oficiales de la COVID-19, la Conseyería de Salú informó de la detección ayeri de 9 casos nuevos –l'actualización incorpora 1 menos por un duplicáu en díes previos–. Ye 1 menos que'l martes, cuando se rexistró la cantidá más baxa dende'l 3 d'agostu del añu pasáu, xornada con 6 positivos.

El Serviciu de Salú del Principáu d'Asturies fixo 2.153 pruebes de diagnósticu d'infeición activa, polo que la tasa de positividá s'asitió nel 1,02 por cientu. A 7 díes esti porcentaxe yera enantes de l'actualización del 1,8 por cientu –ayeri baxó al 1,67 por cientu–.

Una muyer de 96 años y un home de 53 perdieron la vida cola enfermedá causada pol coronavirus SARS-CoV-2. Dende qu'entamó l'andanciu finaron un total de 2.065 persones, según los datos oficiales siguiendo los criterios marcaos pol Ministeriu de Sanidá.

Hai 30 hospitalizaos en planta con confirmación o sospecha de COVID-19, a los qu'hai que sumar otros 12 que tán na UCI. Son 6 y 1 menos que'l martes, de manera respeutiva.

Ensin biltos nuevos

Asturies informó al Ministeriu de Sanidá de la esistencia de 3 biltos activos nel periodu del 6 al 12 de setiembre, 2 menos que la selmana pasada, con un total de 43 casos. Nun se detectó nengún brotu nuevu nestos 7 díes, comunica la conseyería.

Na semeya, viales de la vacuna de Comirnaty de Pfizer/BioNTech.

Contador Estadistiques