Sigue l’escándalu poles entraes pal conciertu de Paul McCartney

La Unión de Consumidores d'Asturies (UCE) va poner una querella criminal contra Telefónica-Movistar pol supuestu "beneficiu illegal" que pudiere sacar la casa de telecomunicaciones pola promoción comercial que fizo la compañía coles entraes pal conciertu de Paul McCartney esti martes en Xixón.

Munchos de los 2.000 veceros de Telefónica qu'unviaron un mensaxe a Movistar en rempuesta a la promoción comercial qu'ufiertaba 2 entraes de baldre por mensaxe quedaron ensin entrar al conciertu por culpa del pésimu mecanismu de repartu de les mesmes, pero la compañía cobro-yos 0,90 euros por cada mensaxe que mandaron. La UCE diz que Telefónica incumplió la llei tamién al nun especificar el tope esactu entraes disponibles y al nun apurrir los medios afechiscos pa repartiles