Sigue abiertu’l plazu pal concursu folk de Navelgas

Navelgas, en conceyu Tinéu, va ser escenariu esti branu de la VI edición del concursu de folk Cuartu los Val.les. Esta iniciativa, que lleva alantre l'Asociación Cultural "El Arbedeiro" tien por oxetivu descubrir a nuevos grupos dientro del xéner de la música de raigón. El certame, que va celebrase los díes 22 y 23 de xunetu, empobínase a grupos nuevos de trés o más músicos.

Les formaciones interesaes en tomar parte nel certame han unviar, primero del 31 de mayu, una maqueta o discu editáu en formatu compactu con un mínimu de cuatro temes a les señes de la Casa la Cultura. 33873 Navelgas - Tinéu). Toles maquetes que se reciban hasta esi plazu van pasar pelos oyíos del xuráu, nel que van tar el periodista de Radio 3-RNE especialista en folk Iñaki Peña y otra xente especializao ente los que tan José Miguel López, Jordi Bertrán, Fran Rivera, Ángel Goyanes o Joáo Sa. De la peñera que faigan ellos van salir cinco finalistes, que van dase a conocer el 20 de xunu y que van defender les sos propuestes musicales en directo nel Festival de folk del Cuartu los Val.les.

Los premios cuenten con una vertiente económica, premiando con 1.500 euros al primer clasificáu y 900 para caún de los otros cuatro finalistes y otra vertiente promocional, qu'incluye la grabación d'un álbum con temes de los cinco grupos escoyíos. Otramiente, la organización intenta siempre que nel festival tean presentes personaxes de relevancia y axentes de contratación musical, de manera que'l concursu y el festival valgan de puntu de contactu ente estos y los artistes. cuenten con una vertiente económica, premiando con 1.500 euros al primer clasificáu y 900 para caún de los otros cuatro finalistes y otra vertiente promocional, qu'incluye la grabación d'un álbum con temes de los cinco grupos escoyíos. Otramiente, la organización intenta siempre que nel festival tean presentes personaxes de relevancia y axentes de contratación musical, de manera que'l concursu y el festival valgan de puntu de contactu ente estos y los artistes.