Siero presentó un conveniu pa estudiar la toponimia

El Conceyu de Siero, protagonista estes últimes selmanes pola polémica alredor de la presentación d'unes ordenances pal usu y promoción del asturianu (que nun s'aprobaron pola negativa de los grupos municipales de PSOE y Conceyu, ayudaos pola desastrosa xestión d'IX), presentó la otra selmana pasada un conveniu cola Universidá d'Uviéu pa estudiar les parroquies, concretamente les llendes que les estremen y la toponimia de les mesmes (supónse que pa inventariala).
L'estudiu, que llevaba paráu dende'l mes de marzu del añu pasáu, cuando s'aprobó en Plenu la firma del conveniu, firmóse énte la denuncia del PP (na oposición), qu'aprovecho pa denunciar l'incumplimientu'l día enantes de firmalu.
Según dixo l'alcalde'l, Juan José Corrales (PSOE) el mesmu día de la denuncia "Tal paez que mos espíen, porque denuncien una cosa que vamos firmar mañana. Si nun se firmó primero ye porque costó muncho negocialu"